Երևանի դրամատիկական թատրոնը մարտի 14-ից 23-ը հայտարարված ներկայացումները հանել է խաղացանկից

Երևանի քաղաքապետարանի ենթակայության տակ գտնվող Հ. Ղափլանյանի անվան դրամատիկական թատրոնը կորոնավիրուսի տարածման պատճառով խաղացանկից հանել է մարտի 14-ից 23-ը հայտարարված ներկայացումները:

Այս մասին ԵԹԴ տնօրինությունը հաղորդագրություն է զետեղել թատրոնի «Ֆեյսբուք»-ի պաշտոնական էջում:

«Գնված տոմսերը կարող եք վերադարձնել տոմսարկղ մինչև տվյալ ներկայացման օրը ներառյալ՝ ժամը 12-ից 19:00: Խնդրում ենք տոմսի հետ ներկայացնել ՀԴՄ-կտրոնը, կամ անձնագիր:  Առցանց գնված տոմսերի վերադարձի համար դիմեք տվյալ կազմակերպությանը»,- ասված է հայտարարությունում:

Մարտի 21-ին և 22-ին Երևանի Հրաչյա Ղափլանյանի անվան դրամատիկական թատրոնում կայանալիք Գյումրու Վարդան Աճեմյանի անվան դրամատիկական թատրոնի «Երկնագույն շան աչքեր»-ը ներկայացումը տեղափոխվել է ապրիլի 17-ը և 18-ը։