Գազի բալոնի պայթյուն՝ Կապանի բնակարաններից մեկում․ տուժածներ չկան

Հայաստանի ԱԻՆ-ում, այսօր՝ մարտի 20-ին, ժամը 00:41-ին Ճգնաժամային կառավարման ազգային կենտրոն ահազանգ է ստացվել, որ Սյունիքի մարզի Կապան քաղաքի Գարեգին Նժդեհի փողոցի թիվ 22 շենքում տեղի է ունեցել գազի բալոնի պայթյուն. տուժածներ չկան:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ թիվ 22 շենքի բնակարաններից մեկում տեղի է ունեցել պայթյուն, ինչի հետեւանքով վնասվել են բնակարանի փակ պատշգամբում գտնվող փայտյա պահարանը, պատշգամբի, հյուրասենյակի եւ խոհանոցի պատուհանները, կոտրվել՝ ապակիները. տուժածներ չկան:

Փրկարարները սահմանազատել են տարածքը: