Մանկական զարգացման կենտրոնի հիմնադիրը՝ «Դարձիր օրինակ» շարքի հերոս (տեսանյութ)

Երկու երեխաների մայրն իր օրինակով հասկացել է՝ անհրաժեշտ է ստեղծել մի վայր, որտեղ միաժամանակ և´ երեխաներն ապահով կլինեն, և´ մայրիկները կկարողանան առանց երեխաների զրուցել, սուրճ խմել, ժամանակ անցկացնել:

Մարդու իրավունքների պաշտպանի նախաձեռնած կանանց հաջողության պատմությունների #Դարձիր_օրինակ շարքի հաջորդ հերոսը մանկական զարգացման կենտրոնի (Playroom Մանկական ժամանցի և զարգացման կենտրոն) հիմնադիր Աննա Մինասյանն է:

 «Կանայք պետք է լինեն շատ համարձակ, և երբ դու դիմում ես այդ համարձակ քայլին՝ միշտ ինչ-որ հրաշք է կատարվում: Ցանկացած դժվարության մեջ ես հիշում եմ՝ հանուն իմ ընտանիքի պետք է լինեմ ուժեղ, պետք է լինեմ սթափ»,- ասում է Աննա Մինասյանը։