«Դա անակնկալ չէր». «Բարսելոնա»-ի աստղ Ռակիտիչը զգում էր կորոնավիրուսի մոտալուտ վտանգը

«Բարսելոնա»-ի աստղ Իվան Ռակիտիչը նախորդ ամիս Չեմպիոնների լիգայում թիմի՝ «Նապոլ»-ի կատարած այցի ժամանակ ասել է, որ ինքը գիտեր՝ կորոնավիրուսի հետ կապված ամեն վատ բան դեռ առջևում է։

Իսպանիան այժմ համաճարակի պատճառով լիակատար մեկուսացման մեջ է, մարդիկ փակվել են տներում, և երկրում վերջին 24 ժամվա ընթացքում գրանցվել է կորոնավիրուսի վարակման 1720 դեպք, որից 394֊ը՝ մահվան ելքով:

Փետրվարի 25-ին Ռակիտիչի «Բարսա»-ն այցելել է Իտալիայի Նեապոլ քաղաք՝ մասնակցելու Եվրոպայի էլիտայի մրցաշարի 16-րդ տուրին հենց այն ժամանակ, երբ երկրում գրանցվեցին կորոնավիրուսի առաջին դեպքերը։