Արկադի Վարդանյանի նկատմամբ իրականացվող քրեական հետապնդումը դադարեցվել է հանցակազմի բացակայության հիմքով
Իրավունք
20 տարի անց հայ հասարակական-քաղաքական գործիչ, հրապարակախոս, քաղաքագետ Արկադի Վարդանյանի նկատմամբ իրականացվող քրեական հետապնդումը դադարեցվել է հանցակազմի բացակայության հիմքով, իսկ քրեական գործի վարույթը՝ կարճվել: Այս մասին հայտնում է «Ղազարյան ընդ Փարթնըրս» փաստաբանական գրասենյակը:
Թեմայի առնչությամբ ՀՀ փաստաբանների պալատի անդամ, փաստաբան Տիգրան Ղազարյանը հայտնում է, որ գործի քննությունը կասեցվել էր, բայց Արկադի Վարդանյանը շարունակել է մնալ մեղադրյալ կարգավիճակում. «Մեղադրանքը չի հիմնավորվել, չի ապացուցվել, որ նա հանցանք է կատարել: Երբ սկսեցինք հետաքրքրվել քրեական գործի վարույթով, փաստաթղթեր ուղղել վարույթն իրականացնող մարմնին, կարճ ժամանակ անց մեզ հայտնեցին, որ գործի վարույթը կարճվում է՝ հանցակազմի բացակայության հիմքով»,- հստակեցրել է նա։
Փաստաբանական գրասենյակը հիշեցնում է, որ Արկադի Վարդանյանի նկատմամբ քրեական գործ էր հարուցվել 2000 թվականին: Նա մեղադրվում էր իր ղեկավարած «21-րդ դար» միջազգային անկախ ասոցացիայի կողմից կազմակերպված հանդիպումներում և հանրահավաքներում ՀՀ Սահմանադրությամբ ամրագրված պետական և հասարակական կարգը բռնությամբ փոխելու հրապարակային կոչերի և այդ նպատակով նման բովանդակությամբ նյութեր տարածելու մեջ:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
