Սերժ Սարգսյանը մեզ հարցեր չի կարող տալ․ Անդրանիկ Քոչարյան
Քաղաքական
Սերժ Սարգսյանը մեզ հարցեր չի կարող տալ, հանձնաժողովն է հարցեր տալու և նա պատասխանելու է այդ հարցերին։
Այս մասին այսօր լրագրողների հետ զրույցում ասաց Ապրիլյան քննիչ հանձնաժողովի նախագահ Անդրանիկ Քոչարյանը։
«Իր իրավունքն է կպատասխանի այդ հարցերին, թե ոչ։ Նա իրավունք ունի արտահայտելու իր տեսակետները, որոնք մենք կկցենք մեր վերջնական եզրակացությանը»,-ասաց Քոչարյանը։
Հիշեցնենք, որ ՀՀ 3-րդ նախագահ Սերժ Սարգսյանն Ազգային ժողովում է՝ մասնակցում է Ապրիլյան քննիչ հանձնաժողովի նիստին։ Նախագահի գրասենյակը նիստից առաջ հայտարարություն էր տարածել, որում Սարգսյանը նշել էր․
«Ինքս էլ հարցեր ունեմ պատերազմի բոլոր կանոնների համաձայն՝ հայոց բանակի հաղթանակի վերաբերյալ որոշ ուժերի կողմից հասարակության մեջ մութ կասկածներ սերմանելու, զանազան շահարկումների, ապրիլյան պատերազմի խնդրով խորհրդարանական քննիչ հանձնաժողովի ստեղծման նպատակի և մի շարք այլ թեմաներով:
Սրանց դեռ միասին կանդրադառնանք և եզրակացություններ կանենք:
Իսկ այսօր այդ հանձնաժողովի նիստում պատրաստվում եմ ուղիղ նայելով հանձնաժողովականների աչքերին` ասել այն, ինչ գիտեմ ու նաև այն, ինչ մտածում եմ…»։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
