Կանչելսկիս. «Բեքհեմը գրել է, որ առանց իմ հեռանալու նա չէր խաղա «Յունայթեդում»»

«Ռուսաստան» և «Մանչեսթեր Յունայթեդ» թիմերի նախկին խաղացող Անդրեյ Կանչելսկիսը պատմել է, թե ինչպես է օգնել Դևիդ Բեքհեմին:
Կանչելսկիսը «Մանչեսթեր Յունայթեդի» կազմում խաղացել է 1991-ից 1995 թվականներին, որից հետո տեղափոխվել է «Էվերթոն»: Ռուսի հեռանալուց հետո մեկնարկային կազմում նրա տեղը զբաղեցրեց Բեքհեմը:
«Բեքհեմը գրել է, որ եթե ես չհեռանայի «Մանչեսթեր Յունայթեդից», ինքը չէր խաղա: Լավ է, որ ես նրան ճանապարհ տվեցի (ժպտում է): Արդյունքում՝ այժմ ինձ ավելի շատ ճանաչում են Անգլիայում, քան Ռուսաստանում: Ես միշտ լավ եմ ընդունվել և նույնիսկ այս մրցաշրջանում ինձ հրավիրեցին «Մանչեսթեր» և «Էվերթոն» երկրպագուների ակումբներին», - Կանչելսկիի խոսքերն է մեջբերում Sport-Express- ը: «Ես հիմնականում դրական հուշեր ունեմ Անգլիայի՝ հատկապես «Մանչեսթեր»-ի հետ: Ես հիշում եմ, որ առաջին անգամ գնացի «Օլդ Թրաֆորդ»: Այնուհետև ճանաչվեցի որպես խաղի լավագույն խաղացող», - ավելացրեց Կանչելսկիսը: Նա երկու անգամ դարձել է Անգլիայի չեմպիոն, իսկ մեկ անգամ նվաճել է երկրի գավաթը «Յունայթեդի» կազմում: