«Իմ քայլը» պատրաստվում է ՀՌԱՀ-ի խորհրդին հրավիրել խմբակցություն

«Իմ քայլը» խմբակցության համար այն, ինչ տեղի է ունեցել անընդունելի է և մենք ակնկալում ենք, որ կարճ ժամանակում այս ամենը ունենալու է հետևանքներ։ Այս մասին ասյօր ճեպազրույցի ժամանակ ասաց «Իմ քայլը» խմբակցության ղեկավար Լիլիթ Մակունցն՝ անդրադառանալով վարչապետի ուղերձի չստացված կադրերի համացանցում հայտնվելուն։

«Պարզաբանեմ, թե ինչու է մեր վերաբերմունքն այդ առումով բավականին կոշտ և վճռական։ Տարբեր կարծիքներ կարող են հնչել տեղի ունեցածի մասին, կարող են հնչել ոչ պրոֆեսիոնալիզմի մասին կարծիքներ կամ հնչել կարծիքներ, որ դա դիտավորություն էր։ Մեզ համար առաջին հերթին սա տեղեկատվական անվտանգության խնդիր էր և այն  ընթացքում, երբ վարչապետը տեղյակ չէր, որ իրականում ուղիղ հեռարձակում է տեղի ունենում, կարող էր հնչել օրինակ  նախադասություն աշխատակազմի հետ շփվելիս կամ գործընկերների հետ շփվելիս, որոնք ոչինչ չեն ասում անձնակազմի համար, բայց դա լիներ լուրջ խնդիր ազուտ անվտանգության տեսանկյունից։ Այն անձինք, ովքեր պատասխանատու են այդ ամենի համար նրանք նույնպես կկրեն պատասխանատվություն և եթե կարճ ժամանակամիջոցում դա տեղի չունենա՝ «Իմ քայլը» պատրաստվում է ՀՌԱՀ-ի խորհրդին հրավիրել խմբակցություն և պահանջել, որպեսզի նման դեպքերը բացառվեն հետայսու»,- ասաց Մակունցը։

Անդրադառնալով այն հարցին, թե արդյոք վարչապետի մամուլի խոսնակ Մանե Գևորգյանը պատասխանատու չէ այս ամենի համար, ասաց․ «Հնչում են կարծիքներ, որ վարչապետի մամուլի խոսնակը կրում է պատասխանատվություն այդ առումով և առաջինը հենց նա պետք է պարզաբանումներ տա, ես այդ կարծիքը չեմ կիսում, որովհետև վարչապետի մամուլի խոսնակը ունի հստակ պատասխանատվության չափ և պարտականությունների ցանկ, որոնց մեջ չի մտնում տեղխնիկական նրբություններին տիրապետելը»։