Գյուղատնտեսական շուկայում պարարտանյութի գնի որոշակի բարձրացում կա

Գյուղատնտեսական շուկայում պարարտանյութի դեֆիցիտ չկա, սակայն կա գնի որոշակի բարձրացում։  Այս մասին այսօր ասուլիսի ժամանակ հայտարարեց էկոնոմիկայի նախարարի տեղակալ Տիգրան Գաբրիելյանը։ «Ինչ վերաբերում է պարարտանյութերի ձեռքբերման աշխատանքներին, ապա մարտին, կորոնավիրուսով պայմանավորված, խնդիրներ ունեցանք այդ հարցում։ Սակայն հիմա լայն թափով ներկրումներ են իրականացվում Ռուսաստանից և Իրանից»,-ասաց նա։ Նրա խոսքով` եթե նախկինում մեկ տասնյակ մարդիկ էին պարարտանյութ ներկրում, ապա հիմա՝ նրանց թիվը կրկնապատկվել է։ Անդրադարնալով խելացի անասնաշենքերի կառուցման և վերակառուցման ծրագրերին` փոխնախարարը նշեց, որ 2020-ի հունվարի 1-ից ապրիլի 10-ն ընկած ժամանակահատվածում 53 հայտ է ստացվել։ Իսկ 2019–ից խելացի անասնաշենքերի կառուցման 247 հայտ է ներկայացվել, որոնցից 7 անձ փոխհատուցվել է, 24-ը՝ հավաստագիր ստացել և կնքել պայմանագիր։