«Լեզվակռվի դաշտ մտնել խորհուրդ չեմ տալիս, հակառակ դեպքում ձեր պարտությունը երաշխավորում եմ»

Երևանի ավագանու «Լույս» խմբակցության անդամ Անի Խաչատրյանը գրել է.

«Թափառող կենդանիների վնասազերծման ՀՈԱԿ-ի տնօրենին փոխանցեք, որ 2 ամսվա վաղեմության աղբի նկարին պատախանելը իր լիազորությույնը չէ: Աղբով զբաղվում է աղբահանության հիմնարկը: Նկարում, այո, ՀՈԱԿ-ի մուտքի հարակից տարածքն էր, իսկ աղբն էլ պատկանում էր ՀՈԱԿ-ին: Հիասթափեցնեմ պարոն տնօրեն՝ ես միակ ականատեսը չէի, ինձ հետ էին նաև Factor TV-ի լրագրողը և օպերատորը:

ՀՈԱԿ-ի՝ օրեր շարունակ չաշխատլու ապացույցն է ձեր աշխատակիցների հրապարակած նկարը (որը կցում եմ) : Ջերմող աշխատակիցներին ստիպողաբար աշխատանքի կանչելու հարցը պետք է լինի պարետատան ուշադրության կենտրոնում: Իսկ այն,որ դուք չեք մասնակցում կանաչապատման հիմնարկի տնօրենի մրցույթին, անկեղծ ասած ինձ շատ է ուրախացնում:Շատ եմ շնորհակալ. կանաչ Երևան ունենալու հույսս չմարեց....

Պարոն տնօրե՜ն, բայց եկեք չմոռանանք, որ դուք այսօր զբաղեցնում եք Թափառող կենդանիների վնասազերծման ՀՈԱԿ-ի տնօրենի պաշտոնը , որտեղ ևս աշխատել է պետք: Բայց ահա այս աղետալի վիճակում ենք ապրում այսօր (տեսագրություն) …
ԹԱՓԱՌՈՂ ԿԵՆԴԱՆԻՆԵՐ պարոն տնօրն ԹԱՓԱՌՈՂ ԿԵՆԴԱՆԻՆԵՐ … ձեր աշխատանքն այստղ է , այլ ոչ սոց ցանցերում «ինքնապաշտպանվելը» :

Իսկ լեզվակռվի դաշտ մտնել խորհուրդ չեմ տալիս, հակառակ դեպքում ձեր պարտությունը երաշխավորում եմ»: