Պոպուլիզմից վատ միայն պոպուլիստական սոցիալիզմն է. Դանիել Իոաննիսյան

«Իրազեկ քաղաքացիների միավորում» ՀԿ-ի ղեկավար Դանիել Իոաննիսյանն իր ֆեյսբուքյան էջում գրել է. «Պոպուլիզմից վատ միայն պոպուլիստական սոցիալիզմն է

Բոլոր մարդկանց միանվագ, հավասար գումար տալը շատ անհեթեթ պոպուլիստական գաղափար է: Բոլոր ընտանիքներին (մոտ կես միլիոն) 100.000-ական դրամ բաժանելը անխուսափելիորեն կհանգեցնի՝
1. Դրամի արժեզրկման ու գնաճի,
2. Հարկատուներիս հաշվին փող կստանան նաև շատերը, ովքեր դրա կարիքը չունեն,
3. Ստացողների ձեռքում այդ գումարը շատ արագ կծախսվի, բայց դրա ասեղի վրա նստածները կմնան,
4. «Սև օրվա» պահուստները կնվազեն կլորիկ 50 մլդր դրամով:

Կորոնավիրուսից տուժածներին իրոք պետք է օգնել, բայց՝ թիրախային: Օրինակ՝ օգնել, որ աշխատանքը կորցրածները հեռակա կրթություն ստանան ու նոր իրողությունում գործ գտնեն կամ, որ տնտեսվարողները իրենց գործունեությունը վերակազմակերպեն ու ադապտացվեն:

Բացի դրա կարիքը իրապես ունեցող շատ վատ վիճակում հայտնվածների, աջակցությունը պետք է տրվի այնպես, որ տնտեսության վրա դրական մուլտիպլիկատիվ էֆեկտ ունենա... և ոչ՝ հակառակը:

Հ.Գ. Նման պոպուլիստական բան Ուկրաինայում շատ վաղուց արել էր Յուլիյա Տիմոշենկոն (այն ժամանակ վարչապետ էր) և դա շատ վատ է պրծել. բոլոր թոշակառուներին մի ամսի կրկնակի թոշակ տվեցին, արդյունքում եղավ գնաճ, գրիվնայի որոշակի արժեզրկում... հաջորդ ամիս թոշակները հետ եկան հին թվին, բայց այդ գումարով ավելի քիչ բան կարելի էր առնել, քան այդ ամենից առաջ»: