ՔՊ անդամին պատկանող լաքաներկային նյութերի խանութ-սրահը, անտեսելով կարանտինը, բաց է և գործում է (տեսանյութ)

Այս օրերին, երբ բոլոր հանրային օբյեկտները , սպասարկման վայրերը, տարբեր՝ այդ թվում շինարարական ապրանքատեսակներ վաճառող խանութները փակեն, հիշյալ տեսանյութերից երևում է, որ Տիգրան Մեծի պող. 63 հասցեում գտնվող «ԲԵՆՋԱՄԻՆ ՄՈՒՌ» լաքաներկային նյութերի խանութ-սրահը բաց է և գործում է:

Ըստ Slaq.am-ի աղբյուրների այդ խանութ-սրահը պատկանում է «Քաղաքացիական պայմանագիր» կուսակցության հիմնադիր անդամ Ռուբեն Ռուբինյանին և վերջինիս հորեղբորը: Փաստորեն ստացվում է այնպես, որ վարչապետ Նիկոլ Փաշինյանի շրջապատի մարդիկ ու յուրայինները, հաշվի չառնելով հայտարարված կարանտինը, շարունակում են աշխատել: Ավելին, տեսանյութերից երևում է , որ այդ խանութում նույնիսկ ՀԴՄ կտրոն չեն տրամադրում: