Կայացավ լրագրողների 6-րդ համահայկական համաժողովի կազկոմիտեի նիստը
Սփյուռք
Օգոստոսի 20-ին ՀՀ սփյուռքի նախարարությունում կայացավ «Հայոց ցեղասպանության 100-րդ տարելիցին ընդառաջ» խորագիրը կրող լրագրողների 6-րդ համահայկական համաժողովի կազմկոմիտեի նիստը: Նիստին մասնակցում էին կազմկոմիտեի ինչպես հայաստանյան, այնպես էլ Սփյուռքի անդամները՝ հեռակապի միջոցով:
Նիստը վարում էր ՀՀ սփյուռքի նախարար Հրանուշ Հակոբյանը: Քննարկվեցին օրակարգային մի շարք հարցեր, մասնավորապես ճշգրտվեցին լրագրողների 6-րդ համաժողովի հնարավոր զեկուցողները, ակնկալվող ելույթների թեմաները, դրանց ուղղվածությունը, նպատակները և այն հիմնական հաղորդագրությունը, որն անհրաժեշտ է հասցնել համաժողովի մասնակիցներին:
Քննարկվեցին «Լավագույն հայկական լրատվամիջոց» և «Արցախն ակնթարթներում» լուսանկարչական մրցույթին առնչվող հարցեր, ինչպես նաև հստակեցվեցին արարողակարգային ու կազմակերպչական մի շարք հարցեր:
Նիստի ավարտին ստեղծվեցին աշխատանքային խմբեր, որոնք առավել հանգամանալից ու առարկայական կշարունակեն համաժողովի կազմակերպչական գործընթացը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
