ՀՀ ՊՆ-ն իրեն իրավունք է վերապահում լրացուցիչ սահմանափակումներ կիրառել ՀՀ քաղաքացիների նկատմամբ. Ցոլակ Խաչատրյան

ՀՀ ՊՆ-ն իրեն իրավունք է վերապահում լրացուցիչ սահմանափակումներ կիրառել ՀՀ քաղաքացիների նկատմամբ: Այս մասին գրում է նախկին սպա, քաղաքացի Ցոլակ Խաչատրյանը՝ հավելելով, որ խախտվել են քաղաքացիների Սահմանադրական իրավունքներն ու օրինական շահերը:

«Հայտնի է դարձել այն, որ մի շարք պահեստազորի զինծառահողներ օգտվելով ՀՀ Սահմանադրության 52-րդ հոդվածով և «Տեղեկատվության ազատության մասին» ՀՀ օրենքի 6-րդ հոդվածով երաշխավորված իրենց իրավունքներից, մոտ մեկ ամիս առաջ պատվիրված նամակներով ՀՀ պաշտպանության նախարար՝ Դ. Տոնոյանին դիմումներ էին ներկայացրել որպեսզի տրամադրվեն անձամբ իրենց վերաբերվող որոշակի տեղեկություններ: Սակայն, վերջերս իրենք հետ են ստացել իրենց նամակները, որոնց վրան փակցված էր փոստային ծառայության կտրոնը, որով տեղեկացվում էր այն մասին, որ ՀՀ ՊՆ-ն նամակները չի ընդունում:

Ուսումնասիրելով ՀՀ-ում հայտարարված արտակարգ դրությամբ սահմանված համապատասխան սահմանափակումների ցանկը ակնհայտ է դառնում այն, որ ՀՀ կառավարության կողմից կիրառված սահմանափակումների ցանկում բացարձակապես գոյություն չունի որևէ սահմանափակում, որով ՀՀ ՊՆ-ն իրավասու կլիներ չընդունել քաղաքացիների կողմից փոստային ծառայության միջոցով կամ Էլեկտրոնային փոստով ուղղարկվող դիմումները, նշեմ ավելին` հայտնի են մի շարք դեպքեր, երբ ՀՀ դատարանների կողմից, արտակարգ դրության պայմաններում վարույթ են ընդունվել քաղաքացիների բողոքները որոնք ուղարկվել էին հենց փոստային ծառայության միջոցով:

Այսինքն ստացվում է այնպես, որ ՀՀ ՊՆ-ն իրեն իրավունք է վերապահում իր հայացողությամբ լրացուցիչ սահմանափակումներ կիրառի ՀՀ քաղաքացիների նկատմամբ և փաստացի խախտել իրենց Սահմանադրական իրավունքները ու օրինական շահերը:

Նմանատիպ պայմաններում կարելի է ենթադրել, որ ինչպես որակավորել էր ՀՀ վարչապետ Նիկոլ Փաշինյանը, ամենա «Ճ» կլասի պաշտոնյա կարող է իրեն իրավունք վերապահել իրենից դուրս սահմանափակումներ կիրառի ՀՀ քաղաքացիների նկատմամբ: Գտնում ենք, որ նման «ինքնիրավչական գործողություններով» պետք է որ հետաքրքրվեն համապատասխան պատգամ մարմինները:

Հարկ ենք համարում ընդգծել նաև այն փաստը, որ արկա են փաստեր որոնք հիմնավորում են այն, որ առնվազն չորս դիմում, պատվիրված նամակի ձևով ՀՀ ՊՆ-ին էր ուղարկվել դեռ 2020 թվականի մարտի 02-ին»,- գրում է Ցոլակ Խաչատրյանը: