Պահանջում ենք իշխանությունից հրաժարվել արտակարգ դրության ռեժիմի երկարաձգումից. «Հայրենիք»
Հասարակություն
«Հայրենիք» կուսակցությունը հայտարարություն է տարածել արտակարգ դրության երկարաձգման ռեժիմի հետ կապված՝ նշելով, որ որոշումն ունի բացառապես քաղաքական նպատակ
Այս ընթացքում ակնհայտ դարձավ, որ արտակարգ դրության պահպանումը հետապնդում է բացառապես քաղաքական նպատակ այն պարզ պատճառով, որ ՀՀ օրենսդրությունը, մասնավորապես արտակարգ իրավիճակներում բնակչության պաշտպանության հարցերը կարգավորող օրենքները, առանց արտակարգ դրություն հայտարարելու ամբողջությամբ եւ լիարժեք կարող են ապահովել անհրաժեշտ բոլոր իրավական գործիքները, ընդ որում հենց այն նպատակներին հասնելու համար, որը գործող կառավարությունը դրել է արտակարգ դրության ռեժիմ սահմանելու որոշման հիմքում։
Նշված օրենսդրության կետերի լիարժեք կիրառումն ամբողջությամբ կարող են ապահովել համավարակի հետ կապված բոլոր այն միջոցառումների իրականացումը, որոնք գործում են այս պահին։ Իսկ արտակարգ դրություն հայտարարելու ռեժիմից այն տարբերվում է բացառապես գործող իշխանության կողմից դրված քաղաքական նպատակների համար կիրառված սահմանափակումներով։ Չունենալով բողոքի ակցիաների հակակշռող ինստիտուտը՝ իշխանությունն այս ընթացքում զբաղվել է բազմաթիվ խնդրահարույց և մարդկանց կյանքը բարդացնող օրենքների ընդունմամբ և քաղաքական հակառակորդների հանդեպ քրեական հետապնդումներ կազմակերպելով։ Մինչդեռ բարոյական և քաղաքագիտական բոլոր նորմերը պահանջում էին, որ այս ընթացքում խորհրդարանն ընդուներ միայն համաճարակին վերաբերող օրենքներ և ձեռնպահ մնար որևէ այլ նախաձեռնության դակումից՝ քանի դեռ հանրությունը սահմանափկված էր կարծիք արտահայտելու իրավունքի հարցում։
Ակնհայտ է, որ գործող քաղաքական իշխանության համար պարզ է իր նկատմամբ լայն հանրության դժգոհությունը, որը պատրաստ է Փաշինյանին գամելու անվստահության սյունին։
Այսպիսով, հակահամաճարակային միջոցառումների իրականացումը համարելով պարտադիր, պահանջում ենք իշխանությունից հրաժարվել արտակարգ դրության ռեժիմի հերթական երկարաձգումից, որը կրկին հանգեցնելու է քաղաքացիների սահմանադրական իրավունքների անհիմն սահմանափակման»։
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
