Միխայիլ Խոդորկովսկու «Բանտ և ազատություն» գիրքը՝ սեպտեմբերին

2012 թվականի սեպտեմբերին վաճառքի կհանվի ՅՈՒԿՕՍ ընկերության նախկին ղեկավար Միխայիլ Խոդորկովսկու հուշերը, հայտնում է Новая газетa-ն։

Հուշերը տպագրել է Howard Roark հրատարակությունը։ «Բանտ և ազատություն» վերնագրով գրքի համահեղինակն է լրագրող Նատալի Գևորգյանը։ Գիրքը կազմված է 15 գլխից։ Գրքի նախաբանում Խոդորկովսկին խոստովանում է, որ ձերբակալությունից հետո սա առաջին դեպքն է, երբ իրեն առաջարկել են գրել 2004 թվականի դեպքերի մանրամանս նկարագրությունը։ Սակայն նա հրաժարվել է՝ ազատության մեջ գտնվող մի շարք մարդկանց անվտանգության նկատառումներից ելնելով։

Հիշեցնենք, որ 2005 թվականին Խոդորկովսկիին МЕНАТЕП բանկի ղեկավարների հետ միասին մեղավոր են ճանաչել ֆինանսական խարդախությունների ու հարկերի վճարումից խոսափելու համար և դատապարտել  8 տարի ազատազրկման։

2010 թվականի դեկտեմբերին Միխայիլ Խոդորկովսկին և Պլատոն Լեբեդևը մեղավոր էին ճանաչվել ՅՈՒԿՕՍ-ի նավթի հափշտակման, հանցավոր ուղիներով ձեռք բերված միջոցների լվացման համար: Գործարարները դատապարտել են 13,5 տարի ազատազրկման, սակայն հետագայում ժամկետը կրճատվել է 1 տարով։ Հաշվի առնելով բանտում արդեն անցկացրած ժամկետը՝ Խոդորկովսկին ազատության մեջ կլինի 2016 թվականին։