Ծառուկյանը գնացել է ԱԱԾ՝ երեկվա զրույցը շարունակելու. Արարատ Միրզոյան (տեսանյութ)

Իմ տեղեկություններվ՝ Ծառուկյանը մոտեցել է ԱԱԾ աշխատակիցներին և ասել, որ ուզում է գնալ ԱԱԾ՝ ըստ երևույթին՝ իրենց երեկ սկսված զրույցը շարունակելու։ Փաստը նրանում է, որ պարոն Ծառուկյանը ինքն իր կամքով դուրս է եկել ԱԺ դահլիճից և ինքն է մոտեցել և ցանկություն հայտնել գնալու այնտեղ։ Այս մասին այսօր ԱԺ նիստից հետո լրագրողների հետ զրույցում հայտարարեց ԱԺ նախագահ Արարատ Միրզոյանը։

Լրագրողների հարցին, թե ԲՀԿ-ականները պնդում են, որ անվստահություն են հայտնում գլխավոր դատախազի հանդեպ, և արդյոք խնդիրներ չի տեսնում այս առումով, Միրզոյանը ասաց, որ եթե լինի ԱԺ-ի համաձայնությունը, և Գագիկ Ծառուկյանը զրկվի իր ազատությունից, պիտի լինի դատական գործընթաց, սակայն, ինչպես այլ ՀՀ քաղաքացիները, այնպես էլ նրանք, հնարավորություն ունեն պայքարել տվյալ անձի ազատության համար այնպես, ինչպես դա թույլատրում է օրենսդրությունը։ 

Մեկ այլ հարցի, թե 2017 թ․ ուրիշ կուսակցություն կաշառք չի՞ բաժանել, Միրզոյանն  ասաց․

«Ձեր հարցը, թերևս ուղղված է իրավապահներին, թե ինքանով են նրանց հայտնի տեղեկություններ՝ այլ ընտրակեղծիքների մասին, որոնք առընչվում են այլ քաղաքական ուժերին։ Ինչպես դատախազը ասաց՝ քրգործ կարող է հարուցվել նմանատիպ որևէ փաստի առթիվ՝ անկախ նրանից, թե դա որ քաղաքական ուժին է վերաբերվում։ Եթե ՀՀԿ-ին եք ակնարկում, եթե լինի էդպիսի դեպք, կլինի համապատասխան քննություն, անգամ՝ «Իմ քայլը»-ին,- ասաց Միրզոյան  ու հավելեց՝ Վերմիշյանի գործով այլ անձի մոտ խուզարկություն են արել և գտել են թղթեր, որոնք վերաբերվում են Ծառուկյանին»։

Մանրամասները՝ տեսանյութում։