Հույս ունենք, որ Ծառուկյանի շուրջ կոնֆլիկտը շուտափույթ լուծում կստանա․ «Եդինայա Ռոսիա» (տեսանյութ)

«Եդինայա Ռոսիա» կուսակցությունը մտահոգություն է հայտնել ԲՀԿ-ի շուրջ կոնֆլիկտի առնչությամբ և հույս հայտնել, որ այն օրենքի խիստ պահպանմամբ շուտափույթ լուծում կստանա։ РИА Новости-ի փոխանցմամբ՝ այս մասին հայտնել է կուսակցության մամուլի ծառայությունը:

«Ժողովրդավար պետություններին բնորոշ քաղաքական մրցակցությունը չի իրականացվելու ոչ իրավական մեթոդներով և ցանկանում ենք, որ մեր հայ գործընկերները շուտափույթ դուրս գան առաջացած կոնֆլիկտից», - ասված է «Եդինայա Ռոսիա» կուսակցության միջազգային գործունեության հարցերով գլխավոր խորհրդի նախագահության հանձնաժողովի ուղերձում մեջ։

Նշվում է նաև, որ «Եդինայա Ռոսիա» և «Բարգավաճ Հայաստան» կուսակցությունները 2008 թվականից հաջողությամբ համագործակցում են՝ «ի շահ երկու երկրների ժողովուրդների»:

Հավելենք, որ «Եդինայա Ռոսիա» կուսակցության ղեկավարն է Ռուսաստանի նախկին վարչապետ Դմիտրի Մեդվեդևը։