Ինչ պլաններ ունի Հայաստանի նախկին ղեկավար Ռոբերտ Քոչարյանը․ Ռիա Նովոստի
Համաշխարհային Մամուլ
Հայաստանի նախկին նախագահ Ռոբերտ Քոչարյանը պլանավորում է կալանքից ազատ արձակվելուց հետո շարունակել վերականգնողական բուժումը, Ռիա Նովոստիին ասել է պետության նախկին նախագահի աշխատակազմի ղեկավար Վիկտոր Սողոմոնյանը: Հունիսի 18-ին Հայաստանի վերաքննիչ դատարանը որոշում կայացրեց Քոչարյանին ազատ արձակել 2 միլիարդ դրամ գրավի դիմաց (մոտ 4,15 միլիոն դոլար):
«Քոչարյանը նախատեսում է մեկ շաբաթվա ընթացքում ավարտել վերականգնողական բուժումը, գնահատել ներկայիս ներքաղաքական իրավիճակը, նախանշել տեսանելի ապագայի ծրագրերը», - ասել է Սողոմոնյանը:
2018 թվականի հուլիսի 26-ին Հատուկ քննչական ծառայությունը մեղադրանք առաջադրեց Քոչարյանին 2008 թվականի մարտի 1-ին բողոքի ցույցերը ցրելու վերաբերյալ սահմանադրական կարգը տապալելու մեջ։ Քոչարյանը կարծում է, որ մեղադրանքները վերածվել են քաղաքական հետապնդման: Գործում ներգրավված են նաև ՀԱՊԿ նախկին գլխավոր քարտուղար Յուրի Խաչատուրովը, պաշտպանության նախկին նախարար Սեյրան Օհանյանը և նախագահի աշխատակազմի նախկին ղեկավար Արմեն Գևորգյանը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
