Դորտմունդի «Բորուսիան» պայմանագիր է կնքել Մյունիերի հետ

Ֆրանսիական «Փարիզ Սեն Ժերմենի» ֆուտբոլիստ Թոմ Մյունիերը պայմանագիր է կնքել Դորտմունդի «Բորուսիայի» հետ, հայտնում է գերմանական ակումբի կայքը: 28-ամյա պաշտպանի հետ պայմանագիրը հաշվարկվում է մինչև 2024 թվականի հունիսի 30-ը: Բելգիացին կմիանա «Բորուսիային»՝ որպես ազատ գործակալ։ Նրա պայմանագիրը ՊՍԺ-ի հետ ավարտվում է հունիսի վերջին:
«Մյունիերը այնպիսի խաղացող է, ով ապացուցել է իր որակն ամենաբարձր մակարդակում՝ ներառյալ Չեմպիոնների լիգայում և հավաքականի կազմում։ Նրա փորձը մեզ շատ օգուտ կբերի», - ասել է «Բորուսիայի» մարզական տնօրեն Մայքլ Ցորկը: Մյունիերը հանդես է եկել ՊՍԺ-ի կազմում 2016 թվականից։ Ընդհանուր առմամբ՝ նա թիմի համար անցկացրել է 128 հանդիպում, դարձել 13 գոլի հեղինակ: ՊՍԺ-ում բելգիացին դարձել է Ֆրանսիայի եռակի չեմպիոն, ինչպես նաև նվաճել է երկրի գավաթը և Ֆրանսիայի լիգայի գավաթը: Պաշտպանը Բելգիայի հավաքականի համար անցկացրած 40 խաղում 7 գոլ ունի: