Խոսեպ Գվարդիոլան շնորհակալություն է հայտնել Լերոյ Սեյնին, ով տեղափոխվում է «Բավարիա»

Անգլիական «Մանչեսթեր Սիթի» ֆուտբոլային ակումբի գլխավոր մարզիչ Խոսեպ Գվարդիոլան շնորհակալություն է հայտնել կիսապաշտպան Լերոյ Սեյնին, ով տեղափոխվում է «Բավարիա», և նրան հաջողություն է մաղթել նոր ակումբում: Ավելի վաղ գերմանական ԶԼՄ-ները հայտնում էին, որ 24-ամյա գերմանացի ֆուտբոլիստի տրանսֆերը կարժենա «Բավարիայի» 50 միլիոն եվրոյից ոչ ավելի: Սեյնը 5 տարվա պայմանագիր կստորագրի մյունխենյան ակումբի հետ: «Մենք մաղթում ենք նրան ամենալավը և շնորհակալություն ենք հայտնում մեր ակումբում անցկացրած տարիների համար», - մեջբերում է Գվարդիոլյին Reuteurs-ը:
«Նա պատմության նոր էջ կբացի ֆանտաստիկ ակումբում` «Բավարիայում»: Նա ուզում էր հեռանալ: Յուրաքանչյուր ոք ունի իր կյանքը, և նա որոշեց առաջ շարժվել: Ես կցանկանայի, որ նա մնար, բայց նա կարծում է, որ այնտեղ ավելի երջանիկ կլինի», - ավելացրել է մարզիչը:
2016 թվականին Սեյնը տեղափոխվել է «Մանչեսթեր Սիթի» գերմանական «Շալկեից»: Ֆուտբոլիստը բաց է թողել գրեթե ամբողջ ընթացիկ մրցաշրջանը՝ ծնկի կոտրվածքի պատճառով: «Սիթիի» կազմում կիսապաշտպանը դարձել է Անգլիայի կրկնակի չեմպիոն, նվաճել երկրի գավաթը և ևս երկու անգամ՝ Անգլիայի լիգայի գավաթը: