«Թրամփի Սպիտակ տունը վերջապես ակամայից վկայակոչեց Հայոց ցեղասպանությունը»․ The Washington Post (տեսանյութ)

Սպիտակ տան մամուլի քարտուղարն անուղղակիորեն ընդունել է Հայոց ցեղասպանությունը՝ մի իրադարձություն, որը ԱՄՆ կառավարությունը նախկինում հրաժարվել էր ընդունել։ Նախագահ Թրամփի մերձավոր դաշնակիցը՝ Թուրքիայի նախագահ Ռեջեփ Թայիփ Էրդողանը, դժվար թե ուրախանա այս ամենի համար, գրում է The Washington Post֊ը՝ ծավալուն հոդվածով անդրադառնալով հուլիսի 6-ին Սպիտակ տան մամուլի քարտուղար Քեյլի ՄակԷնանի ելույթին, ով իր խոսքում գործածել էր «Հայոց ցեղասպանություն» եզրույթը։ «Մի քանի տասնամյակից հետո, երբ Միացյալ Նահանգների կառավարությունը հրաժարվեց ճանաչել Հայոց ցեղասպանությունը, քանի որ այն բացասաբար կանդրադառնար Թուրքիայի հետ իր հարաբերությունների վրա, երկուշաբթի Սպիտակ տունը արտասանեց այդ տերմինը՝ չնայած անուղղակիորեն: Բողոքի ակցիայի մասնակիցների՝ հուշարձանները պղծելու դեպքերի մասին խոսելով՝ Սպիտակ տան մամուլի խոսնակ Քեյլի Մաքենանին անդրադարձավ Ցեղասպանության հուշահամալիրին՝ ասելով․ «Թվում է, որ հասկանալու և պատմական գիտելիքների պակաս կա, երբ Հայոց ցեղասպանության զոհերի հուշահամալիրը, որը վկայակոչում է մարդկության դեմ կատարված բոլոր հանցագործությունների զոհերին՝ ներառյալ ստրկության զոհերին, վանդալիզացվում է», - ասել է Մաքենանին: Միացյալ Նահանգները վաղուց հրաժարվել են ճանաչել Հայոց ցեղասպանությունը ՝ մեծ մասամբ պայմանավորված Մերձավոր Արևելքում Թուրքիայի հետ իր ռազմավարական դաշինքով: Օսմանյան կայսրությունը մեղադրվում է Առաջին աշխարհամարտի տարիներին ավելի քան 1 միլիոն հայի սպանելու մեջ: Ցեղասպանության ճանաչումը իսկապես քաղաքական իմաստ ունի: Սպիտակ տունը, անշուշտ, պնդելու է, որ Մաքենանին պարզապես հուշահամալիրի անունն էր հիշատակում, բայց նույնիսկ այդ անունը օգտագործելը երկար տարիներ անընդմեջ անթույլատրելի էր Սպիտակ տան ներսում:  Մաքենանի՝ իբրև Թրամփի վարչակազմի կողմից իրական բառի օգտագործումը հատկապես տպավորիչ է, որովհետև Թրամփը հատուկ սերտ հարաբերություններ ունի Էրդողանի հետ: Հաշվի առնելով Թրամփի կեցվածքը՝ տարօրինակ է, որ Մաքենանին որևէ վերաբերմունք է դրսևորել Հայոց ցեղասպանությանը, նույնիսկ եթե պարզապես ինքը հուշահամալիրի անունն էր օգտագործում»։