«Հրապարակ». Երբ ԼՀԿ-ն կմիանա ԲՀԿ-ի՝ ՍԴ դիմելու նախաձեռնությանը
Հայկական Մամուլ
«Հրապարակ» թերթը գրում է. «Էդմոն Մարուքյանին հարցրինք՝ հուլիսի 8-ին միանալո՞ւ են ՍԴ դիմելու ԲՀԿ-ի նախաձեռնությանը։ Սահմանադրական փոփոխությունների նախագծի հարցով ՍԴ դիմելու նախաձեռնությանը ԼՀԿ-ն չմիացավ՝ խոստանալով, որ հուլիսի 7-ին նշանակված Ռոբերտ Քոչարյանի գործով ՍԴ նիստից հետո կմիանա։ «Մենք ասել ենք, որ այդ գործով նիստ լինելուց հետո կմիանանք»,- ասաց Մարուքյանը։ Բայց ՍԴ դիմելու հարցով եռամսյա ժամկետ ունեք, իսկ եթե մինչ այդ Քոչարյանի գործով նիստ չանեն, ի՞նչ է լինելու։ «Եթե մինչեւ եռամսյա ժամկետի վերջ չքննվի, ստիպված կդիմենք, բայց ես չեմ կարծում, թե չեն քննի»։ Հիշեցնենք, որ երեկ ՍԴ նիստը չկայացավ՝ քվորումի բացակայության պատճառով․ Հրայր Թովմասյանն ու Արեւիկ Պետրոսյանն արձակուրդում են, 3 դատավորների լիազորությունները, ըստ իշխանության ընդունած սահմանադրական փոփոխությունների, դադարեցված են»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
