Դատավճիռը կայացավ
Ռուսաստան
Այսօր՝ օգոստոսի 28-ին, Սմոլենսկի դատարանը թմրամիջոցների իրացման մեջ մեղադրվող ընդդիմադիր Տաիսիա Օսիպովային մեղավոր է ճանաչել և դատապարտել 8 տարվա ազատազրկման,-հաղորդում է BBC-ն:
Հիշեցնենք, որ դեռ մեկ տարի առաջ Օսիպովան նույն հոդվածով արդեն դատապարտվել էր 10 տարվա ազատազրկման: Սակայն սույն թվականի փետրվարի կեսերին Դմիտրի Մեդվեդևը (նախագահի կարգավիճակում) կարգադրում է դատախազությանը վերանայել գործը:
Նշենք, որ Օսիպովային ձերբակալել են 2010 թ. նոյեմբերին: Դատապաշտպանների կարծիքով՝ ընդդիմադիր Օսիպովայի գործը «զուտ քաղաքական նկատառումներ» է հետապնդում, քանի որ մեղադրյալի ամուսինը "Другая Россия" ընդդիմադիր շարժման անդամ է:
Ըստ նախաքննության՝ 2010 թ. Սմոլենսկի Ծայրահեղականության կանխարգելման կենտրոնի օպերլիազորները անցկացնում են հերոինի «ստուգողական առուծախ», իսկ վաճառքն իրականացնում է Օսիպովան՝ 4 գ հերոյին: Քիչ ուշ Օսիպովայի տան խուզարկության արդյունքում ոստիկանները հայտնաբերում են ևս 10 գ արգելված փոշենման նյութ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
