Փորձել են տապալել Pussy Riot-ի մասին ներկայացումը

Ռուսական НТВ-ի լրագրողների ուղեկցությամբ՝ ուղղափառ ակտիվիստները փորձել են տապալել Театр.doc մոսկովյան թատրոնի «Սեփական աչքերով» ներկայացումը, հաղորդում BBC-ին` հղում տալով թատրոնի գեղարվեստական ղեկավար Միխայիլ Ուգարովին:

Նշենք, որ ներկայացման գաղափարական հիմքում ընկած է Pussy Riot սկանդալային փանք-ռոք խմբի երեք անդամների դատավարությունը:

Որպես ներկայացման գլխավոր գործող անձիք հանդես են եկել խմբի փաստաբանները, որոնք երկուշաբթի բողոքարկել են դատավճիռը:

Ըստ Ուգարովի ֆեյսբուքյան էջում տեղադրված հաղորդագրության. «Ներկայացման վերջում դահլիճ են ներխուժում «ուղղափառ քրիստոնյա»-ները՝ НТВ- ի նկարահանման խմբի ուղեկցությամբ, աղաղակելով «Ապաշխարվեք», «Ինչու՞ Էք հալածում ռուս ազգին»:

Գեղարվեստական ղեկավարի խոսքերով, միջադեպն արագորեն հանդարտվել է, որից հետո ներկայացումը շարունակվել է: