Հերթական հայազգի զոհերը Սիրիայում. բախումների ողջ ընթացքում զոհվել են մեկ տասնյակից ավելի հայեր
Սփյուռք
Դամասկոսի Ջոբար թաղամասում անհայտ պայմաններում այսօր՝ օգոստոսի 28-ին, սպանվել է 3 հայ տղամարդ: Այս մասին հայտնում է «Արմենպրես» գործակալությունը՝ հղում անելով Դամասկոսի Հայոց առաջնորդարանին: Առաջնորդարանից հայտնել են, որ սպանվել են 49-ամյա Պետրոս, 46-ամյա Գեւորգ և 22-ամյա Լևոն Մաթոսյանները: Առաջնորդարանը ջանում է նրանց դիերը հակամարտության տարածքից դուրս բերել:
«Արմենպրես»-ը նաև հայտնում է, որ ընդդիմադիրների և կառավարական զորքերի միջեւ Սիրիայում սկսված բախումների հետեւանքով զոհվել են մեկ տասնյակից ավելի հայեր, որոնցից երկուսը՝ սիրիական բանակի զինծառայողներ: Մեծ թվով սիրիացիներ լքում են երկիրը եւ հայտնվում են այլ երկրներում փախստականի կարգավիճակով:
Վերջին շրջանում երկիրը լքում են նաեւ տեղի հայ համայնքի ներկայացուցիչները: Հայաստանում փախստականի կարգավիճակ կամ ապաստան ստանալու մասին Սիրիայից դիմումները քննվում են արագացված ընթացակարգով՝ առնվազն տասն օրվա ընթացքում: Հայաստան են ժամանել ավելի քան 2 հազար սիրիահայեր, իսկ կացարան ստանալու ակնկալիքով միգրացիոն ծառայություն է դիմել 41 ընտանիք՝ 76 անդամով, 27 ընտանիք արդեն իսկ ստացել է ժամանակավոր կացարան:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
