Ոստիկանությունում տխրել են․ Տիգրան Եսայանի կարիքը համակարգում զգալու են

Այսօր մամուլում տեղեկություն շրջանառվեց, որ աշխատանքից ազատվելու դիմումներ են ներկայացրել ՀՀ երկու փոխոստիկանապետեր՝ Հայկ Մհրյանն ու Տիգրան Եսայանը: Վերջինս հաստատել է ազատման դիմում ներկայացրելու հանգամանքը։

Պարզվում է՝ լուրը ոստիկանության համակարգի ներկայացուցիչների մոտ ևս անակնկալ է եղել, շատերն են տխրել Տիգրան Եսայանի՝ համակարգից հեռանալու պատճառով։ Նրա մասին կարծիքները միայն դրական են. ասում են՝ գրագետ, գործից հասկացող պաշտոնյա էր և համակարգում նրա կարիքը զգացվելու է։ 

Տիգրան Եսայանը 2012-2019 թթ․ եղել է ՀՀ ոստիկանության կրթահամալիրի պետի 1-ին տեղակալ: 

Նա ծնվել է 1962թ. սեպտեմբերի 1-ին, Երևան քաղաքում:
1984թ. ավարտել է ԽՍՀՄ ՆԳՆ Օմսկի միլիցիայի բարձրագույն դպրոցը, իրավաբանական գիտությունների թեկնածու, 2016 թվականից ՀՀ գիտությունների ազգային ակադեմիայի փիլիսոփայության, սոցիոլոգիայի և իրավունքի ինստիտուտի պետաիրավական հետազոտությունների բաժնի դոկտորանտ:

ՆԳՆ համակարգում ծառայության է անցել 1979թ. նոյեմբերից և նշանակվել Քրեական պատիժների իրականացման վարչության թիվ 6 ուղղիչ աշխատանքային հիմնարկության հատուկ մասի տեսուչի պաշտոնին, ապա՝

1980-1984 ԽՍՀՄ ՆԳՆ Օմսկի միլիցիայի բարձրագույն դպրոցի ունկնդիր
1984-1990 Երևանի Սպանդարյանի ՆԳ բաժնի քրեական հետախուզության բաժանմունքի օպերլիազոր, թմրամոլության դեմ պայքարի գծով օպերլիազոր, անչափահասների գործերով ավագ օպերլիազոր
1990-1991 Երևանի ՆԳ վարչության քրեական հետախուզության բաժնի 2-րդ բաժանմունքի օպերլիազոր, ավագ օպերլիազոր
1991-1993 Երևանի ՆԳ վարչության Խորհրդային ՆԳ բաժնի Քանաքեռի միլիցիայի բաժանմունքի պետ
1993-1994 Էջմիածնի ՆԳ բաժնի պետ
1994-1995 Երևանի ՆԳ վարչության Շենգավիթի ՆԳ բաժնի պետ
1995-1996 Երևանի ՆԳ վարչության Խորհրդային ՆԳ բաժնի պետ
1996-1998 Արմավիրի մարզային ՆԳ վարչության պետ
1998-2000 Տրանսպորտային ՆԳ վարչության պետ
2000-2002 Արարատի մարզային ՆԳ վարչության պետ
2002-2008 Տրանսպորտային ՆԳ վարչության պետ
2008-2011 Արմավիրի մարզային վարչության պետ

Նշենք, որ փոխոստիկանապետերին նշանակում և ազատում է ՀՀ նախագահը՝ վարչապետի առաջարկով։