Ռուսաստանում խաղալը կրոնի հետ նույնն է, ինչ ծխել բենզալցակայանում. Պուտինի մամլո քարտուղար

 Ռուսաստանի նախագահի մամլո քարտուղար Դմիտրի Պեսկովը նախօրեին Дождь հեռուստաալիքին տված հարցազրույցում, մեկնաբանելով Pussy Riot պանկ խմբի մասնակիցների դատավճիռը, վտանգավոր է համարել Ռուսաստանում կրոնական զգացմունքների շահարկումները։

Հիշեցնենք, որ հակապուտինյան «պանկ աղոթքի» համար երեք երիտասարդ կին դատապարտվել է երկու տարի ազատզրկման խուլիգանության մեղադրնաքով։

«Մեր երկրում խաղալ ազգային արժեքների հետ նույնն է, ինչ ծխել բենզալցակայանում», - ասել է Պեսկովը։
Նա նաև հայտարարել է, որ, ինչպես հետևում է Պուտինի՝ Pussy Riot-ի վերաբերյալ մեկնաբանություններից, երկրի ղեկավարը հավանություն չի տվել այն բանին, թե ինչով են զբաղվել աղջիկները մինչև վերջիններիս մեկուսացումը։

«Ես բացարձակապես համաձայն եմ իմ նախագահի հետ: Ավելի շուտ ես ինձ դասում եմ հասարակության այն հատվածին, որը իրապես վրդովված է և կարծում է, որ այս գործողության համար պետք է շատ խիստ պատժել», - ասել է Պեսկովը։