Բողոքի ցույց Հաագայում՝ Հունգարիայի դեսպանատան առջև

Հոլանդիայի Հայ Դատի հանձնախումբը Հաագայում Հունգարիայի դեսպանության առջև, կազմակերպել է բողոքի ցույց մարդասպան Ռամիլ Սաֆարովին Ադրբեջան արտահանձնելու կապակցությամբ: Ցուցարարները հավաքվել էին Հունգարիայի դեսպանության առջև՝ ձեռքերին ցուցապաստառներ հետևյալ գրություններով՝«Հունգարիայի արդարադատությունը վաճառքի է հանված», «Եվրոպական արժեքները ավելի փոքր են, քան նավթը»,«Հունգարիան նավթի սովով է տառապում», և այլն:

Ցուցարարները հնչեցնում էին «Ամոթ Հունգարիային», «Արդարություն Գուրգեն Մարգարյանի սպանության համար», «Սաֆարովը պետք է բանտ վերադառնա» և այլ պահանջներ: Ժամը 12:30-ին Հայ Դատի հանձնախմբի պատվիրակությանն ընդունեց դեսպան Սումեխին և ներկայացրեց հայության համար անընդունելի տեսակետն այն մասին, որ Հունգարիան գործել է միջազգային օրենքներին ոչ համապատասխան:

Պատվիրակությունը հայտնեց պարոն դեսպանին, որ եթե Հունգարիան իսկապես զղջում է կատարվածի համար, ապա կարող է այն իրական քայլերով ապացուցել, օրինակ՝ Լեռնային Ղարաբաղի անկախության ճանաչումով: Դեսպանի պատասխանն այն էր, որ Հունգարիան պահպանում է չեզոք դիրք և չի միջամտի այս հակամարտությանը: Հայ Դատի ներկայացուցիչը պատասխանեց, որ Հունգարիան արդեն միջամտել է հակամարտությանը այս խայտառակ արարքով:

Դեսպանը խոստացավ Հայ Դատի հանձնախմբի նամակին պաշտոնապես պատասխանել՝ նաև գրավոր:

Հանրահավաքի փակումից առաջ ներկաները մեկ րոպե լռությամբ հարգեցին նահատակ սպա Գուրգեն Մարգարյանի հիշատակը: