Բելգիայի հայերի բողոքի նամակը Հունգարիայի ԱԳ նախարարին

Հայ դատի Բելգիայի հանձբնախմբից տեղեկացրին, որ Բելգիայում բնակվող հայերը ցույց են անցկացրել Եվրամիությունում Հունգարիայի մշտական ներկայացուցչության առջև իրենց բողոքն արտահայտելու Ռամիլ Սաֆարովին Ադրբեջան արտահանձնելու կապակցությամբ:

Ցույցի մասնակիցներն իրենց բողոքի նամակն են փոխանցել Հունգարիայի ներկայացուցչին' Հունգարիայի արտաքին գործերի նախարար Յանոշ Մարտոնիին ներկայացնելու պահանջով:

Մասնակիցները խստորեն դատապարտել են Ռամիլ Սաֆարովին ադրբեջանական իշխանություններին հանձնելու Հունգարիայի որոշումը: «Մենք ակնկալում ենք, որ Հունգարիան խստորեն կդատապարտի Ադրբեջանին` վերջ դնելով արդարության` նավթի և գազի արյունոտ փողերի դիմաց վաճառքին»,- ասվում է բողոքի նամակում:

Հունգարիայի ներկայացուցիչը վստահեցրել է Հայ դատի ներկայացուցչին, որ նամակը կհանձնվի Հունգարիայի ԱԳ նախարարին, և հույս հայտնել, որ մոտ ապագայում Հայաստանի և Հունգարիայի հարաբերությունները կկարգավորվեն: