Газпром-ն ուրիշներից գազ չի գնելու

Газпром-ը հրաժարվելու է անկախ մատակարարների առաջարկած գազից, ինչպես հայտնում է այսօրվա Ведомости պարբերականը՝ հղում կատարելով անհայտ աղբյուրերից, այդպիսով գազի մոնոպոլիստը ցանկանում է զարգացնել գազի սեփական արդյունահանումը:

Ըստ պարբերականի տվյալների` նախորդ շաբաթ անկախ մատակարարները գազի գնումը դադարեցնելու վերաբերյալ զգուշացում-նամակ են ստացել: Գնումների դադարեցումը վերաբերում է միայն Газпром-ին, իսկ նրա դուստր կազմակերպությունները նման մտադրություններ չունեն: Բացի այդ` ռուսական գազային մոնոպոլիան չի դադարեցնի ուրիշ գազի տեղափոխումn իր գազատարներով:

Ըստ Ведомости պարբերականի` Новатэк-ը Газпром-ին օրական վաճառում է 42 մլն խմ գազ, ինչը գազի անկախ արդյունահանողի ընդհանուր գազի մոտ 28%-ն է կազմում: Лукойл-ը Газпрвм-ին օրական մատակարարում է 27 մլն խմ գազ, որը օգոստոս ամսին կազմել է Лукойл ընկերության արդյունահանված գազի 60%-ը: Եվս 8.6 մլն խմ Газпром-ը գնում է Новатэк-ի և Итеры-ի համատեղ ձեռնարկություն Сибнефтегаз-ից:

Газпром-ը համարվում է ռուսական գազի արտահանման մոնոպոլիստ, ուստի բավականին մեծ թվով նավթի արդյունահանողներ գերադասում են իրենց հումքը վաճառել իրեն: Ներքին շուկայում նրանք ինքնուրույն է կարող են գազ մատակարարել: Դաշնային հակամենաշնորհային ծառայության պետի տեղակալ Անատոլի Գոլոմոլզինը հայտնել է, որ Газпром-ի նման պահվածքը գնահատվում է որպես իր դիրքերի չարաշահում, սակայն նշել է նաև, որ գազի անկախ մատակարարներից դեռ բողոքներ չի ստացվել:

Օգոստոսի սկզբին Газпром-ի՝ գազի արդյունահանման ծավալները հասել էին մինիմումի՝ օրական 988.7 մլն խմ: Ընդհանուր առմամբ, Газпром-ի՝ գազի արդյունահանման այս տարվա տվյալները հետ են ընկնում նախորդ տարվա գրաֆիկից: Այս տարվա օգոստոսի 8-ի դրությամբ ընկերության գազի արդյունահանման ծավալները կազմել է 294 մլն խմ, ինչը 6%-ով ցածր է նախորդ տարվա նույն ժամանակաշրջանի արդյունքներից:

Նույն ժամանակահատվածում, ըստ Առևտրի զարգացման նախարարության կանխատեսումների, այս տարվա կտրվածքով Ռուսաստանում գազի արդյունահանման ծավալները 670 մլն-ից հասնելու են 697 մլն խմ-ի: Այս տարվա հունիսի վերջին Газпром-ը գազի արդյունահանման ծավալների կրճատումը բացատրում է հարկերի ավելացմամբ, իսկ գորարար ԶԼՄ-ը հայտնում են նաև, որ դա կապված է նաև Եվրոպայում գազի պահանջարկի նվազեցմամբ: