100.000 եվրո Փուսի Ռիոթին աջակցելու համար

PR կազմակերպությունը, որը նախկինում աշխատում էր Բորիս Բերեզովսկու հետ, առաջարկել է երաժշտական բեմի արևմտյան աստղերին մինչև 100.000 եվրո Փուսի Ռիոթ խմբի անդամներին սատարելու համար: Այս մասին ուրբաթ օրը հայտնել է ամերիկացի քաղաքագետ Վիլյան Դանկերլին։
«Նյու-Յորքում ես հանդիպել եմ ռուսական գործերով հայտնի փորձագետ Ալեքս Գոլդֆարբի հետ, ով զբաղվում է Փուսի Ռիոթին օգնելու դրամահավաքով: Նա ինձ հայտնեց, որ ստացել է e-mail ծանոթ երաժշտական գործակալից, որից իմացել է այն PR գործակալության մասին, որ առաջարկում է 100.000 եվրո այն աստղին, ով ելույթ կունենա Փուսի Ռիոթի աջակցության համար»,- հայտնել է քաղաքագետն ըստ «Интерфакс»-ի:

Ինչպես տեղեկացնում է «Взгляд» թերթը, Փուսի Ռիոթին աջակցելու համար նախկինում հանդես են եկել այնպիսի արևմտյան աստղեր, ինչպիսիք են Մադոննան, Ջոն Լայդոնը, Դենի Դեվիտոն և այլք:

Հիշեցնենք, որ փետրվարի 26-ին Փուսի Ռիոթ խմբի մասնակիցներից երեքի դեմ գործ է հարուցվել «խուլիգանություն» հոդվածով՝ նախատեսելով մինչև յոթ տարվա ազատազրկում: Նրանք ձերբակալվել են օգոստոսի 17-ին՝ դատապարտվելով երկու տարվա ազատազրկման: Խմբի մնացած անդամները փախել են երկրից: