«Միլիոնների քայլերթը» Մոսկվայում

«Միլիոնների քայլերթ» անվանումն է ստացել այն քայլերթը, որին աղբյուրների տեղեկացմամբ մասնակցում է 3-5 հազար մարդ։ Երթի մասնակիցները բաժանվել են երկու մասի։ Նրանք սկզբում անցնելու են Բուլվարային օղակով, այնուհետև հանրահավաք են անցկացնելու Սախարովի պողոտայում։

Այս քայլերթը թվով երրորդն է, նախորդ երկուսն ընթացել են մայիսի 6-ին ու հունիսի 12-ին։ Երթի ժամանակ ձերբակալվել են մի քանի տասնյակի հասնող ակտիվիստներ, ոստիկանությունը նրանց գործողությունները որակել է որպես զանգվածային անկարգություններ։