Սպանել են Արմեն Ալեքսանյանի եղբորը

Ուկրաինական Խարկով քաղաքում սեպտեմբերի 16-ին անհայտ անձինք գնդակահարել են 25-ամյա հայ երիտասարդի։ Եվս մեկ մարդ վիրավորվել է միջադեպի արդյունքում, սակայն նրան հաջողվել է փախուստի դիմել, հայտնում է analitika.at.ua-ն։ Տեղեկությունների համաձայն`երիտասարդը մահացել է 13 հրազենային հարվածների արդյունքում։

Համաձայն նախնական տվյալների՝ նա Պեսոչինսկիի գյուղխորհրդի պատգամավոր, գործարար, շինարարական բիզնեսի սեփականատեր Արմեն Ալեքսանյանի եղբայրն է:

Կրակոցները արձակվել են հունգարական արտադրության երկու ատրճանակից։

Ողջ մնացած 29-ամյա տղամարդը ոստիկանությանը պատմել է, որ տեսել է գործարարի եղբոր սպանողին. նա իջեցված պատուհանից զրուցել է Պրադոյի ղեկին նստած 25-ամյա հայի հետ։ Այդ պահին էլ տեղի է ունեցել հարձակումը։ Հայ երիտասարդի դին որոշ ժամանակ անց հայտնաբերել են փողոցում, իսկ վիրավոր տղամարդուն, ինչպես արդեն նշեցինք, հաջողվել է փախչել։

Ոստիկանության նախնական վարկածով՝ սպանության պատճառը բիզնեսն է։