Նման բարբարոսական գործողություններն անպատիժ չեն մնա. Ֆրանսիայի հայկական խորհուրդ

Ֆրանսիայի հայկական կազմակերպությունների համակարգման խորհուրդն ամենայն վճռականությամբ դատապարտում է Հայաստանի և Արցախի տաղավարների ոչնչացումը 2012 թվականի սեպտեմբերի 17-ի լույս 18-ի գիշերը Փարիզում տեղի ունեցած զբոսաշրջության միջազգային ցուցահանդեսի ընթացքում։

Նման բարբարոսական գործողությունները չեն կարող անպատիժ մնալ։ Այս փոքրոգի գործողությունը կապված է Ադրբեջանի բռնապետ նախագահ Իլհամ Ալիևի Ֆրանսիա կատարած աղմկահարույց այցի հետ, այն նախագահի, որը վերջերս ներում շնորհեց ՆԱՏՕ-ի կազմակերպած դասընթացների շրջանակներում Բուդապեշտում գտնվող երիտասարդ սպա Գուրգեն Մարգարյանին քնած ժամանակ կացնահարած Ռամիլ Սաֆարովին։

Մենք ցանկանում ենք ֆրանսիական իշխանությունների ուշադրությունը գրավել հակահայկական տրամադրությունների թեժացման վրա, որը Ֆրանսիայում մինչ օրս Ադրբեջանի անպատժելիության հետևանք է, և որը սպառնալիք է հասարակական կարգի նկատմամբ։ Բաքվում գործում է հակահայկական ռասիզմ, որի ղեկավարը ոչ այլ ոք է, քան Ադրբեջանի նախագահ Իլհամ Ալիևը և նրա գերդաստանը, որը իշխանության գլխին է կանգնած 1993 թվականից ի վեր և որը ճնշում է ընդդիմությությանն ու իր սեփական ազգին զրկում ամենատարրական ազատություններից։
Մենք շնորհակալություն ենք հայտնում Փարիզում այս միջոցառումը կազմակերպած հիմնադրամին՝ երկու ոչնչացված տաղավարները վերականգնելու համար անհրաժեշտ քայլերը ձեռնարկելու և անվտանգությունը ուժեղացնելու համար։ Ֆրանսիայի հայկական կազմակերպությունների համակարգման խորհուրդը պահպանում է Հանրապետության դատարաններին բողոքելու իր իրավունքը՝ այս բարբարոսական գործողությունների առարկայով հետաքննություն անցկացնելու և դրանց կազմակերպիչ հեղինակներին գտնելու նպատակով։