Շախմատի տղամարդկանց հավաքականը կստանա 20-ական մլն դրամ մրցանակ

Կառավարությունն այսօր որոշում ընդունեց Ստամբուլում 2012-ի կայացած շախմատի համաշխարհային օլիմպիադայում հաղթող ճանաչված Հայաստանի շախմատի տղամարդկանց հավաքական թիմի անդամներ Լևոն Արոնյանին, Սերգեյ Մովսիսյանին, Վլադիմիր Հակոբյանին, Գաբրիել Սարգսյանին և Տիգրան Պետրոսյանին 20-ական մլն դրամ մրցանակ հանձնելու մասին։

Թիմի մյուս պատասխանատուներին պարգևատրելու համար Կառավարությունը ՀՀ սպորտի և երիտասարդության հարցերի նախարարությանը հատկացրել է 114 մլն դրամ։