Այս տարվա մակրոտնտեսական ցուցանիշները գերազանցել են նախորդ տարվա արդյունքները

2012թ.-ի հունվար-օգոստոս ամիսների ՀՀ տնտեսական ակտիվության ցուցանիշը նախորդ տարվա նույն ժամանակահատվածի համեմատ ավելացել է 8.3%-ով: Արդյունաբերության ոլորտում այս տարվա հունվար-օգոստոս ամիսներին արդյունաբերական արտադրանքների ծավալները կազմել են 702,108.4 մլն դրամ, որը նախորդ տարվա նույն ժամանակահատվածի համեմատ ավելացել է 13.2%-ով:

Այս տարվա հունվար-օգոստոսին ՀՀ գյուղատնտեսության համախառն ընդհանուր ծավալը կազմել է 431,167.7 մլն դրամ՝ նախորդ տարվա նույն ժամանակահատվածի տվյալները գերազանցելով 10.8%-ով, որը պայմանավորված է այս տարվա առատ բերքով:

Շինարարության ծավալներն այս տարի կազմել են 206,462.1 մլն դրամ՝ նախորդ տարվա հունվար-օգոստոսի տվյալներին զիջելով 4.1%-ով:
2012թ.-ի հունվար-օգոստոս ամիսներին ՀՀ-ում առևտրի շրջանառությունը կազմել է 1,238,823.4 մլն դրամ, որը, նախորդ տարվա նույն ժամանակահատվածի համեմատ, ավելացել է 2.8%-ով:

Մատուցված ծառայությունների ծավալն այս տարի կազմել է 617,688.6 մլն դրամ՝ նախորդ տարվա նույն ժամանակահատվածի ցուցանիշը գերազանցելով 11.5%-ով:

Միջին ամսական աշխատավարձն այս տարվա հունվար-օգոստոս ամիսներին կազմել է 118,174 դրամ, այդ թվում՝ պետական ոլորտում միջին աշխատավարձը կազմել է 95,019 դրամ, իսկ ոչ պետական ոլորտում՝ 145,241 դրամ: Հիշեցնենք նաև, որ ՀՀ տարածքում ամենաբարձր աշխատավարձը ստանում են Կապանում աշխատողները: Այնտեղ միջին աշխատավարձն այս տարվա տվյալներով կազմել է 175,564 դրամ:

2012թ.-ի հուվար-օգոստոս ամիսներին ՀՀ-ից արտահանման ծավալները կազմել է 921.4 մլն ԱՄՆ դոլար, որը նախորդ տարվա նույն ժամանակահատվածի համեմատ ավելացել է 11.4%-ով:

Ներմուծման ծավալներն այս տարի կազմել են 2.686.8 մլն ԱՄՆ դոլար, որն անցյալ տարվա նույն ժամանակահատվածի համեմատ ավելացել է շատ չնչին չափով՝ 3.6%-ով: