Դավիդ Լուիսը իր կարիերան կշարունակի Բրազիլիայի հավաքականում

Լոնդոնի «Չելսիի» և «Արսենալի» նախկին ֆուտբոլիստ Դավիդ Լուիսը չեղյալ է հայտարարել ֆրանսիական «Մարսելի» հետ պայմանագիրը և մտադիր է կարիերան շարունակել Բրազիլիայի հավաքականում, հաղորդում է Le10sport-ը:

«Մարսելի» ղեկավարությունը և անձամբ գլխավոր մարզիչ Խորխե Սամպաոլին բանակցություններ վարեցին Լուիսի հետ ամբողջ ամառ, սակայն 34-ամյա պաշտպանը ի վերջո մերժեց պայմանագիրը ֆրանսիական ակումբի հետ: Բացի այդ՝ իտալական «Սալերնիտանան» հետաքրքրված է Լուիսի տրանսֆերով՝ ազատ գործակալի կարգավիճակով, բայց անձամբ խաղացողի համար առաջնահերթ տարբերակը հայրենիք վերադառնալն է:
Ավելի վաղ հաղորդվել էր, որ Դավիդ Լուիսը կարող է կարիերան շարունակել ամերիկյան «Ինտեր Մայամի» ակումբում, որը պատկանում է Դեյվիդ Բեքհեմին:

Դավիդ Լուիսը «Արսենալում» խաղում է 2019 թվականի ամռանից և նախորդ տարի թիմի հետ նվաճել է Անգլիայի գավաթը և Սուպերգավաթը: Մինչ այդ՝ բրազիլացին հանդես էր գալիս Լոնդոնի Չելսիում (2011-2014 և 2016-2019), ինչպես նաև ֆրանսիական «Պարի Սեն Ժերմեն» (2014-2016) և Պորտուգալական «Բենֆիկա» (2007-2011) ակումբներում: