ՌԴ կառավարությունը հավանություն տվեց Հայաստանում ռուսական ռազմաբազայի վերաբերյալ արձանագրության նախագծին

Հայաստանի տարածքում ռուսական ռազմաբազայի տեղակայման կետերի վերաբերյալ ռուս-հայկական արձանագրության նախագիծն արժանացել է Ռուսաստանի Դաշնության կառավարության հավանությանը. այդ մասին տեղեկացնում է ՌԴ կառավարության մամլո ծառայությունը։

Հայկական կողմի հետ ՌԴ պաշտպանության և արտաքին գործերի նախարարություններին հանձնարարվել էր բանակցություններ վարել և,   համաձայնության հասնելու դեպքում, ՌԴ կառավարության անունից արձանագրություն ստորագրել, ըստ որի՝ սկզբունքային փոփոխություններ չպետք է ներառվեն. նշվում է հաղորդագրությունում։

Այդ արձանագրությունում ներառված է Հայաստանում ռուսական ռազմաբազայի տեղակայման 30 կետ։ Իսկ ահա արձանագրության ուժի մեջ մտնելուց հետո ըստ դրա պայմանների՝ տեղակայման կետերի 30-ից 10-ը փոխանցվում են Հայաստանին։

Երկու երկրների միջև մոտ ապագայում սպասվում է նոր արձանագրության ընդունում, որով փոփոխություններ են մտցվում Հայաստանում ռուսական ռազմաբազաների մասին պայմանագրում։ Ըստ արձանագրության՝ Հայաստանի տարածքում տեղակայված ռուսական ռազմական բազան, բացի ՌԴ շահերի իրականացման գործառույթից, ՀՀ զինված ուժերի հետ ապահովում է այդ հանրապետության անվտանգությունը։
Որպես հիշեցում նշենք, որ սեպտեմբերի 19-ին Հայաստանում գտնվելու ժամանակ ՌԴ պաշտպանության նախարար Անատոլի Սեդյուկովը հայտարարել էր, որ Հայաստանին պատկանող 10 կետերը կփոխանցվեն Հայաստանին։