Ջավախահայության բողոքի ցույցը Մոսկվայում (տեսանյութ)

Առաջին հայկական ինտերնետ-հեռուստաընկերությունը (www.1aitv.ru) հայտնում է, որ Ջավախքի հայությունը բողոքի ակցիա է կազմակերպել Վրաստանի շահերի պաշպանության բաժնում, որը տեղակայված է Շվեյցարիայի դեսպանատանը: Վրացական իշխանությունները պատրաստվում են ընտրություններին, ինչը հարմար առիթ է իշխանություններին լսելի դարձնել ժողովրդի ձայնը: Սակայն այս դեպքում ջավախահայության ձայնը լսելի չեղավ այդ շրջանակներում, քանի որ վրացական բաժնի ներկայացուցիչները նույնիսկ անհրաժեշտ չհամարեցին բացել դռները և ընդունել նրանց հայտարարությունը:

Ջավախահայության ներկայացրած հայտարարության մեջ ներկայացված են այն բոլոր խնդիրները, որոնք մտահոգում են Վրաստանի հարավում գտնվող հայաբնակ Ջավախքին: Այդ խնդիրների մեջ կարևորագույնն է համարվում ազատ ընտրությունների անցկացումը, որը հնարավորություն կտա ազգային փոքրամասնություններին մանդատ զբաղեցնել խարհրդարանում: Կարևորվել է նաև դպրոցներում հայոց լեզվի կրճատված դասընթացների վերականգնումը, հայկական եկեղեցիների և տաճարների վերադարձը, որոնք բռնագրավվել են ԽՍՀՄ իշխանությունների կողմից, հայալեզու դասագրքերի, մամուլի և գրականության թույլտվությունը:

Ներկաները վկայում են, որ Ջավախքի բնակչության մեծամասնությունը, հատկապես՝ երիտասարդները, գտնվում է օտարության մեջ, իսկ վաղը վրացական ԿԸՀ-ը կնկարի հայերի 100%-անոց հայտ ընտրություններին՝ հօգուտ իշխող կառավարության: Արդյունքում հերթական անգամ ազգային փոքրամասնությունների իրավունքները կոտնահարվեն և կշարունակվի հայերին այդ շրջանից վտարելու քաղաքականությունը: