Հաստատվել է 2013թ.-ի բյուջեի նախագիծը

Այսօր ՀՀ կառավարության նիստում հավանության է արժանացել «ՀՀ 2013թ.-ի պետական բյուջեի մասին» ՀՀ օրենքի նախագիծը, ըստ որի հաջորդ տարի պետական բյուջեի եկամուտները կկազմեն 1 տրլն 32.9 մլրդ դրամ, ծախսերը՝ 1 տրլն 152.7 մլրդ դրամ, դեֆիցիտը՝ 119.7 մլրդ դրամ:

2013թ.-ի ՀՀ համախմբված բյուջեն կանխատեսվում է եկամուտների գծով՝ 1 տրլն 59.1 մլրդ դրամ (առանց միջբյուջետային փոխանցումներից ստացվող մուտքերի), ծախսերի գծով՝ 1տրլն 183.1 մլրդ դրամ (առանց միջբյուջետային փոխանցումների) և դեֆիցիտը՝ 124.0 մլրդ դրամ:

ՀՀ համայնքների բյուջեների ծավալը գնահատվել է եկամուտների գծով՝ 97.5 մլրդ դրամ (ներառյալ՝պետական բյուջեից ստացվող պաշտոնական դրամաշնորհները), ծախսերի գծով՝ 101.7 մլրդ դրամ, դեֆիցիտի գծով' 4.2 մլրդ դրամ: