Pussy Riot-ը կոչ է անում իր դատապաշտպաններին խաղաղության Նոբելյան մրցանակ շնորհել

Pussy Riot խմբի մասնակիցները, որոնք դատապարտվել էին Քրիստոս Ամենափրկչի տաճարում սկանդալային գործողությունների համար, առաջարկում են իրենց դատապաշտպաններին Խաղաղության մրցանակ շնորհել. գրում է Интерфакс-ը։ «Մենք կոչ ենք անում մեր ընկերներին և կողմնակիցներին, ազատ պետությունների խորհրդարանների պատգամավորներին և մշակութային գործիչներին աջակցել մեզ Խաղաղության Նոբելյան մրցանակի համար դատապաշտպաններ Ֆեյգինի, Պոլոզովի և Վոլկովի թեկնածությունը դնելու հարցում», -ասվում է դատապարտված աղջիկների կողմից ստորագրված ձեռագիր նամակի պատճենում, որը ուրբաթ տեղադրվել է Pussy Riot-ին աջակցող կայքերից մեկում։

Իրենց նամակում խմբի ներկայացուցիչներն ընդգծում են, որ իրենց դատապաշտպաններին քաղաքական գործիչներ են համարում։ «Շատերն ասում են, որ մեր դատապաշտպանները ոչ թե դատապաշտպաններ, այլ քաղաքական գործիչներ են։ Եվ դա այդպես է։ Քաղաքական գործում այլ կերպ լինել չի կարող։

Մենք ուզում ենք առաջադրել նրանց Խաղաղության Նոբելյան մրցանակի, քանի որ առանց նրանց մեզ չէր հաջողվի համաշխարհային հանրությանը ցույց տալ մեր դատական համակարգը»,-ասվում է նամակում։