Ոչ պարենային ապրանքների գներն աճել են 1.5%-ով

2012թ. սեպտեմբերին օգոստոսի համեմատ ոչ պարենային ապրանքների շուկայում գրանցվել է 1.5% գնաճ, ինչի վրա իր անմիջական ազդեցությունն է թողել բենզինի և դիզելային վառելիքի՝ համապատասխանաբար 4.2% և 2.4% գնաճը: 2012թ. սեպտեմբերին, 2011թ. սեպտեմբերի համեմատ, բենզինի և դիզելային վառելիքի գներն աճել են համապատասխանաբար 11.4% և 8.4%-ով, իսկ 2011թ. դեկտեմբերի համեմատ՝ 13.2% և 6.8%-ով:

Այս տարվա սեպտեմբերին, օգոստոսի համեմատ, հանրապետությունում արձանագրվել է գորգեղենի՝0.1%, տեքստիլեղենի՝0.2%, խոհանոցային սպասքի՝ 0.2%, կահույքի՝0.4%, գեղահարդարման ապրանքների՝0.4%, ոսկերչական ապրանքների՝0.4%, վառելիքի՝0.6%, գրենական պիտույքների՝ 0.6%, անձնապիտո ապրանքների՝0.6%, լվացող միջոցների՝ 0.9%, դեղամիջոցների՝ 1.0%, հագուստի և գործվածքի՝2.0%, մշակույթի ապրանքների՝ 2.6%, կոշկեղենի՝3.0% գնաճ:

Այգեգործական ապրանքների գները նշված ժամանակահատվածում նվազել են 0.3%-ով, դիտարկվող մյուս ապրանքախմբերում գների մակարդակը նախորդ ամսվա համեմատ մնացել է անփոփոխ:

Հանրապետության դիտարկված բոլոր քաղաքներում 2012թ. սեպտեմբերին. օգոստոսի համեմատ, արձանագրվել է ոչ պարենային ապրանքների 0.5-3.1% գնաճ, այդ թվում, գնաճի ամենաբարձր ցուցանիշն արձանագրվել է ք.¬Թալինում: Մայրաքաղաքում ոչ պարենային ապրանքների գներն աճել են 1.6%-ով: