Նվազել է սպառողների վստահության ինդեքսը

Ըստ ՀՀ կենտրոնական բանկի տվյալների՝ նախորդ երկու եռամսյակների աճերից հետո սպառողների վստահության ինդեքսը 2012թ. երրորդ եռամսյակում նվազել է, ընդ որում, նախորդ տարվա նույն եռամսյակի նկատմամբ՝ 4.5%-ով և նախորդ եռամսյակի նկատմամբ՝ 2.9%-ով:

Նախորդ տարվա նույն եռամսյակի նկատմամբ ընթացիկ և ապագա պայմանների ինդեքսների նվազումները կազմել են համապատասխանաբար՝ 4.6 և 4.3%: Նախորդ եռամսյակի նկատմամբ ընթացիկ և ապագա պայմանների ինդեքսների նվազումները նմանատիպ են՝ շուրջ 3 %:

Սպառողների վստահության ինդեքսն (ՍՎԻ) իրենից ներկայացնում է սպառողներին տրված վեց հարցերի հիման վրա հաշվարկված հաշվեկշիռների միջին թվաբանականի փոփոխություն:

Ներկա իրավիճակն արտահայտող ենթաինդեքսը հաշվարկվել է որպես ներկա պայմաններին վերաբերող հարցերի հիման վրա հաշվարկված հաշվեկշիռների փոփոխություն, իսկ ապագա իրավիճակն արտահայտող ենթաինդեքսը' ապագային վերաբերող հարցերի հաշվեկշիռների միջին թվաբանականի փոփոխություն: