1.32 մլն դրամի վնաս՝ 11 օրերի ընթացքում

2012 թվականի սեպտեմբերի 18-ից 29-ն ընկած ժամանակահատվածում ՀՀ բնապահպանության նախարարության աշխատակազմի բնապահպանական պետական տեսչության կողմից 18.09-29.09.2012թթ ընկած ժամանակահատվածում իրականացված ստուգումների, շրջայցերի ընթացքում հայտնաբերված խախտումների քննության արդյունքում կայացվել 2.48 մլն դր. ընդհանուր գումարով վարչական տուգանքի 38 որոշում և հաշվարկվել 1.32 մլն դր. ընդհանուր գումարով շրջակա միջավայրին հասցված վնաս: Այս մասին հայտնում են ՀՀ բնապահպանության նախարարության մամուլի ծառայությունից։

Մասնավորապես՝

Ջրերի պահպանության ոլորտ

Ջրերի վերահսկողության բաժնի կողմից 2 տնտեսվարողների մոտ ստուգումների արդյունքում կայացվել է 200 հազար դր. ընդհանուր գումարով վարչական տուգանքի 2 որոշում:

Մթնոլորտային օդի պահպանության ոլորտ

Երևանի ՏԲ կողմից ահազանգի արդյունքում իրականացված ուսումնասիրության արդյունքում հայտնաբերված խախտումների համար 4 ֆիզիկական անձի նկատմամբ կայացվել է 200 հազար դր. ընդհանուր գումարի վարչական տուգանքի 4 որոշում և հաշվարկվել է 302 հազար դր. ընդհանուր գումարի շրջակա միջավայրին հասցված վնաս:

Բուսական աշխարհի պահպանության ոլորտ

Շիրակի ՏԲ կողմից աշխատակիցների կողմից հայտնաբերված դեկորատիվ ծառերի ապօրինի հատման համար 2 ֆիզիկական անձի նկատմամբ կայացվել է 150 հազար դր. ընդհանուր գումարով վարչական տուգանքի 2 որոշում և հաշվարկվել է 217.5 հազար դր. ընդհանուր գումարի բնությանը հասցված վնաս:

Լոռու ՏԲ կողմից հայտնաբերված ապօրինի ծառահատման համար 1 ֆիզիկական անձի նկատմամբ կայացվել է 50 հազար դր. գումարի չափով վարչական տուգանքի որոշում:

Արարատի ՏԲ կողմից հայտնաբերված ապօրինի ծառահատման համար 1 ֆիզիկական անձի նկատմամբ կայացվել է 50 հազար դր. գումարի չափով վարչական տուգանքի որոշում և հաշվարկվել է 120 հազար դր. գումարի բնությանը հասցված վնաս:

Տավուշի ՏԲ վարույթին հանձնված ապօրինի ծառահատման 11գործով կայացվել է 550 հազար դր. ընդհանուր գումարով վարչական տուգանքի 11 որոշում:

Սյունիքի ՏԲ վարույթին հանձնված ապօրինի ծառահատման 2 գործով կայացվել է 100 հազար դր. ընդհանուր գումարով վարչական տուգանքի 2 որոշում:

Հողերի պահպանության ոլորտ

Արագածոտնի ՏԲ աշխատակիցների կողմից իրականացված շրջայցերի ընթացքում արձանագրված խախտման համար 1 ֆիզիկական անձի նկատմամբ կայացվել է 50 հազար դր. գումարի վարչական տուգանքի որոշում և հաշվարկվել է 100 հազար դր. գումարի շրջակա միջավայրին հասցված վնաս:

Թափոնների ոչ ճիշտ տեղադրման համար

ԿՀԹՎՆ ՎԲ աշխատակիցների կողմից իրականացված շրջայցերի ընթացքում հայտնաբերված խախտման համար 1 ֆիզիկական անձի նկատմամբ կայացվել է 80 հազար դր. գումարի վարչական տուգանքի որոշում և հաշվարկվել է 20 հազար դր. գումարի բնությանը հասցված վնաս:

Ապօրինի որս

Գեղարքունիքի ՏԲ աշխատակիցների կողմից իրականացված շրջայցերի ընթացքում արձանագրված խեցգետնի ապօրինի որսի համար 2 ֆիզիկական անձի նկատմամբ կայացվել է վարչական տուգանքի 2 որոշում 100 հազար դր. ընդհանուր գումարով: Առգրավված 17 կգ կենդանի խեցգետինը բաց է թողնվել Սևանա լիճ:

ԿՀԹՎՆ վերահսկողության բաժնի աշխատակիցների կողմից իրականացված շրջայցերի ընթացքում արձանագրված ապօրինի որսի համար 3 ֆիզիկական անձի նկատմամբ կայացվել է վարչական տուգանքի 3 որոշում 150 հազար դր. ընդհանուր գումարով և հաշվարկվել է 500 հազար դր. գումարի բնությանը հասցված վնաս:

Վայոց ձորի ՏԲ աշխատակիցների կողմից իրականացված շրջայցերի ընթացքում արձանագրված ձկան ապօրինի որսի համար 1 ֆիզիկական անձի նկատմամբ հաշվարկվել է 35 հազար դր. գումարի բնությանը հասցված վնաս: Առգրավված 35 հատ կողակ տեսակի ձկները սահմանված կարգով ուղարկվել են «Սննդամթերքի անվտանգության մարզային ծառայություն» հետազոտության:

Փայտանյութի ապօրինի տեղափոխում

Տավուշի ՏԲ կողմից հայտնաբերված փայտանյութի ապօրինի տեղափոխման համար 7 ֆիզիկական անձի նկատմամբ կայացվել է 700 հազար դր. ընդհանուր գումարով վարչական տուգանքի 7 որոշում:

Երևանի ՏԲ կողմից հայտնաբերված փայտանյութի ապօրինի տեղափոխման համար 1 ֆիզիկական անձի նկատմամբ կայացվել է 100 հազար դր. գումարի վարչական տուգանքի որոշում և հաշվարկվել է 30 հազար դր. գումարի շրջակա միջավայրին հասցված վնաս:

Ընդհանուր առմամբ ԲՊՏ կողմից կիրառված պատժամիջոցներից ՀՀ պետ. բյուջե նշված ժամանակահատվածում մուտք է եղել 2.38 մլն դր. գումար: