Մոսկվայում սպանված հայազգի գործարարի բնակարանում հայտնաբերվել է զինամթերք

Մոսկվայում սպանված հայազգի գործարար Սերգեյ Բեգլարյանի բնակարանում ոստիկանները հայտնաբերել են տարբեր տեսակի զենք-զինամթերք՝ Ստեչկին և Մակարով տեսակի ատրճանակներ, մարտական նռնակ, և զինամթերքի մեծ քանակ:

Իրավապաշտպաններն այժմ պարզում են զենքի ծագումը: LfeNews-ի փոխանցմամբ` հայազգի 45-ամյա գործարարը զբաղվում էր ոչ միայն մեքենաների վերանորոգմամբ, այլև կապեր ուներ քրեական աշխարհի ներկայացուցիչների հետ:

Հիշեցնենք, որ երեկ գիշեր Մոսկվայում ժամը 1-ի սահմաններում անհայտ տղամարդը Կալաշնիկով տեսակի ավտոմատից կրակել է Toyota Land Cruiser մեքենայի վրա, որի արդյունքում զոհվել է մեքենայում գտնվող հայ գործարար 45-ամյա Սերգեյ Բեգլարյանը: