Հանրային հեռուստատեսության խորհուրդը գլխավորել է Օլեգ Տաբակովը

Հոկտեմբերի չորսին Հանրային հեռուսատեսության խորհրդի նախագահ է ընտրվել դերասան և Չեխովի անվան Մոսկովյան գեղարվեստական թատրոնի գեղարվեստական ղեկավար Օլեգ Տաբակովը, այդ մասին հայտնում է Lenta.ru-ն։

Ընդհանուր առմամբ, Հանրային հեռուստատեսության խորհրդի կազմում կա 25 անդամ։ Նրանց ընտրել է Հանրային խորհուրդը, իսկ 2012 թվականի հուլիսին այդ կազմը հաստատել է Ռուսաստանի նախագահը։

Նախագահի հրամանագրի համաձայն՝ խորհրդի անդմաները ընտրվում են հինգ տարով և աշխատում անվարձահատույց հիմքերով։
Ֆինանսական, ինչպես նաև Հանրային հեռուստատեսության գործունեության հիմնական ուղղություններով կզբաղվի վերահսկողության խորհուրդը։

Հանրային հեռուստատեսությունը կախված չի լինի գովազդից ստացվող եկամուտներից, ինչը հնարավորություն կտա հեռուստաալիքով ցուցադրել կարևոր հասարակական և սոցիալական հաղորդումներ։ Հանրային հեռուստաընկերության գործադիր տնօրենին նշանակում է Ռուսաստանի նախագահը։