Կներկայացվեն ՏՀՏ ոլորտի զարգացումները 1 տարում

Հոկտեմբերի 4-5-ը Երևանում կկայանա Սևծովյան տնտեսական համագործակցության (ՍԾՏՀ) կազմակերպության ՏՀՏ աշխատանքային խմբի հանդիպումը:

Հանդիպումը կկազմակերպվի ՍԾՏՀ կազմակերպության ՏՀՏ աշխատանքային խմբում Հայաստանի նախագահության շրջանակում, որի նպատակն է ներկայացնել Հայաստանի նախագահության 1 տարվա ընթացքում ՍԾՏՀ կազմակերպության անդամ-երկրներում ՏՀՏ ոլորտի զարգացումները, ինպես նաև քննարկել հաստատված գործունեության ծրագրի ուղղությամբ տարված աշխատանքների ընթացքը:

Հանդիպման ընթացում կներկայացվեն Ձեռնարկությունների ինկուբատոր հիմնադրամի կողմից մշակված ՍԾՏՀ կազմակերպության ՏՀՏ աշխատանքային խմբի պորտալը, ՍԾՏՀ կազմակերպության ինկուբատորների և տեխնոպարկերի ասոցիացիայի ստեղծման գաղափարը, ՍԾՏՀ կազմակերպություն-ԱՄՆ համագործակցության ծրագիրը, ինչպես նաև ս.թ. հուլիսին Կորեայի կառավարության կողմից իրականացված սեմինարի արդյունքները:

Կներկայացվի նաև Ձեռնարկությունների ինկուբատոր հիմնադրամի, հունական Իներգո տեխնոլոգիական կենտրոնի և ռումինական UBIT ինկուբատորի կողմից իրականացված «Տեխնոլոգիաների փոխանցման ցանց սևծովյան տարածաշրջանի համար» ծրագրի արդյունքները:

Աշխատանքային խմբի հանդիպման շրջանակում մասնակիցները նաև կայցելեն «Դիջիթեք» 2012 ՏՀՏ ցուցահանդես: