Նավթի համաշխարհային գներն աճել են

Թուրքիայի և Սիրիայի միջև հարաբերությոնների սրումը հանգեցրել է նավթի համաշխարհային գների բարձրացմանը:

WTI տեսակի նավթի գինը Նյու Յորքյան NYMEX բորսայում բարձրացել է 3.57 ԱՄՆ դոլարով՝ մեկ բարելի դիմաց կազմելով 91.71 ԱՄՆ դոլար:

Brent տեսակի նավթի գինը InterContinental Exchange Futures Europe բորսայում բարձրացել է 4.41 ԱՄՆ դոլարով՝ մեկ բարելի դիմաց կազմելով 112.58 ԱՄՆ դոլար:

Երեկ Թուրքիայի պառլամենտը թույլատրել է անհրաժեշտության դեպքում ռազմական գործողույթուններ սկսել Սիրիայի դեմ:

Նավթի գները բարձրացել են այն մտավախության հետևանքով, որ Մերձավոր Արևելքից նավթի մատակարարումը կարող է խափանվել, քանի որ տվյալ տարածաշրջանով մեծ քանակությամբ գազի խողովակներ են գնում, որոնք կարող են վնասվել ռազմական գործողությունների արդյունքում: