2012թ.-ի ԱՄՆ-ի բյուջեի դեֆիցիտը հատել է 1 տրլն.-ի սահմանը

2012թ.-ի ԱՄՆ-ի բյուջեի պակասուրդն այս տարի արդեն 4-րդ անգամն է հատում 1 տրլն-ի սահմանը: Նման եզրակացության է եկել ԱՄՆ-ի կոնգրեսի բյուջետային ղեկավարությունը:

2012 թ.-ի ֆինանսական տարին ԱՄՆ-ն ավարտել է սեպտեմբերին: Համաձայն անցկացված հետազոտությունների՝ ԱՄՆ-ի բյուջեի դեֆիցիտը կազմել է 1.1 տրլն ԱՄՆ դոլար:

ԱՄՆ-ի բյուջեի ամենամեծ պակասուրդը արձանագրվել էր 2009թ.-ին: Այն ժամանակ դեֆիցիտը կազմում էր 1.4 տրլն ԱՄՆ դոլար:

Նախորդ երկու տարիների ընթացքում այդ ցուցանիշը տատանվում էր 1.3 մլրդ ԱՄՆ դոլարի շրջակայքում:

Բյուջետային դեֆիցիտը ԱՄՆ-ի հետընտրական քննարկման թեմաներից մեկն էր: Սպիտակ տուն գալով՝ Բարաք Օբաման խոստացել էր, որ բյուջեի դեֆիցիտը կնվազեցնի մինչև երկու անգամ, սակայն այդպես էլ դա նրան չհաջողվեց: Միևնույն ժամանակ իր մրցակից Միթ Ռոմնին հայտնել է, որ կարող է կարգավորել բյուջետային դեֆիցիտը մոտակա 8-10 տարիների ընթացքում, սակայն դեռ չի հայտնել, թե ինչպես է նա պատրաստվում կատարել տրված խոստումը: Ամեն դեպքում ԱՄՆ-ի տնտեսության ներկա վիճակը Միթ Ռոմնիին հնարավորություն է տալիս անընդհատ քննադատել ներկա նախագահին:

Ավելի վաղ Աշխատանքի նախարարությունը հայտնել էր, որ երկրի գործազրկության մակարդակը նվազել է 8%-ից: Դա վերջին 4 տարիների ընթացքում ամենալավ ցուցանիշն է: Ըստ Աշխատանքի նախարարության տվյալների՝ նախորդ ամիս ԱՄՆ-ի աշխատաշուկան համալրվել է ևս 114 հազար աշխատատեղով:

Գործազրկության կրճատումը շատ բարենպաստ պայմաններ է ստեղծում ներկա նախագահ Բարաք Օբամայի համար, քանի որ երկրի տնտեսական վիճակից է կախված նրա՝ երկրորդ անգամ վերընտրվելը: